الثلاثاء، 20 أبريل 2010

كيف أكــتبك ؟؟؟؟؟




يالجيتنـا مــن وادي الجـمـال شـايـل ذواتــك كـيـس درر

ســـارج عـلــي خـيــل الـشـعـر حـاديـكـا دنـدنــة الـوتــر

يـامــا رجـيـنـاك بالـشـهـور اتـعـبـت شـوقـنــا اللـنـتـظـر

وفضلنـا عاضيـن الصبـر وبيقولـو مـا خـاب مـن صـبـر

وحضرت يا زاهي الحضور ومعاكا كلْ شي جميل حضر


يا زول



يـا زول مجرتـق بالجمـال .. منشـري فينـا سمـا وبحـر
مكتوب على اقدارنا قيف .. يرجى الـرذاذ ساعـة سحـر
واقـف علـى زمـن الوقـوف .. شايفنـو فيـنـا نـفـر نـفـر
مالى الغمام حتى السحاب .. شايلك معاهو عصير مطر
لحِّـن صـداك جوانـا كُـب .. سهِِّـر معـاك حـتـى السـهـر
رتــل احـاجـي القـصـة روح .. عـلِّــم ليالـيـنـا الـسـمـر

.............
ووقفت في نص الطريق ... لا شفت شتلة ولاشجر
وانهد إحساسي الرقيق ... وأنا في دواخلك لي دهر
وغرقت في لجة هواي ولا شفـت قيـف لا شفـت بـر
لا جات رسالات الفرح ..ولا جانا مـن تـالاك خبـر
...........
وصلت ليك من غير تعب من غــير تذاكــر أو سفــر
وجوازي كان احساسي بيك تأشيرتو كان/ الحب قَدر
وداخل مطار قلـبك نزل ودمــع الفـــرح مني انهـــمر
ولقيتك الحـــب والأمـــان والراحــة من بعـــد الفــــَتر
وقلبك مساحة من الجــــمال موسوعة لى كل البشــر

...........
كيــف اكتـبك ؟ واقــراك واتهجــاك وبيناتنا الف بر
كيــف اكتبــك
وجـواك د الـق فيني نيل صافي وعكركيف اكتبك ؟
لا بينا ساقي ولا جـروف لا شاطــي حتى ولا بحــر
وكــيف انثرك وارجـع ألمك من جديــد وبى كل حذر
ولولا القــدر ماجابني شــوق جنبك ولا شافك بصر
وقدرك يكون مكتوب هناك وانا فيك ألاوي مع القدر

...........
الدنيا ما بتـــدى المـــنى ..كم فيها خاطرنـا انكسـر
ترسملك الأحزان فـــرح وتمــــدو لآمـــــــدّ البصـر
تسقيك كاسات من عســـــل ومرات بتسقيـك الأمـر
تملاك بى لحظة فرح وتقــول خـــلاص حظـك بهـر
وترجع تدهدهنا الظروف ونرميها فوق كف القدر

...........
عاين الى حد المغيـب فـي الدنيـا مـا بـان ليـك أتـر
لا جانا من عندك مسج ... ولا جانا من زولك خبر
وقعدنـا فـي ايّ ونعـم لامـن صبـاح فـجـرك ظـهـر
وفرحنـا حـد الامنيـات بالرجـعـة خاطـرنـا انجـبـر

...........
وانهد حيـل حبـل الصبـر .. وصلنـا لآحـد الضجـر
رجينـا لاعنـد المغيـب والليـل قعّدنـا مـعـاك سـهـر
ومزاجنا كان زي الخريف ساعة يكب نيلنـا العكـر
كلما ندس شوقنا العليك نلقاهو فـي العينيـن ظهـر
ما ملت اشواقنا السؤال .. ولا زول ملامحك اندثـر
نرجع نمد حبل الصبر .. بيقولوا ما خاب من صبر

...........
وشقاي كان لحظة غــياب زي مبتدا غـــاب واستتر
ولا جيت مع الدقش القبيل لا في الاصيل شعيّت بهر
لاكنت بين كل الخــــلوق ولاغالبك شوقـــــــنا ودفر
وعزفت فوق لحـــــن الغياب وغنيت وشديت الوتر
بالله من فضلك ســؤال ؟؟؟ كم مرة بى خاطرك عـبر
وكم مـره اخلفت الميعاد.. قـول لى يا أجمــــــل بشر
وكم مرة سجلناك حضــور .. لاجيتا انت ولا حضر
ولليله نحــرس ونرجى فــيك بالله هل عندك خبر؟؟


............
الليله جـــدول شوقــنا فاض عبا الجديـولات وإنكســر
ومرتق صــبرنا الكــان متين رهفــت مساماتو وسـدر
مالت موازين الشجون والقاضي مـــال حكمو وصـدر
شخــبط دفــاتر ريدنا ريد .. جــــر المشاعـر فينـا جـر
واستأنفـت كل القــلوب وقاضــينا بـى جـورو إشتهـر
وتاقينا باب اسمو الوصال وسيل الدموع فاض إنهمر
وشـريان نفاجاتنا اتقــفل وبقى اضـعف الايمان جـوْر
والشــوق بكــاك حـد النحيب كلما سكت.. رجـع إتعبر

هناك تعليق واحد:

  1. Casino & Sportsbook - Hollywood, FL - JTG Hub
    Find out 군포 출장샵 where to play, 부산광역 출장샵 hours, and rates near the Hollywood, 구미 출장샵 FL Casino & Sportsbook on your iPhone, iPad 광주 출장샵 or Android device. 양산 출장마사지

    ردحذف