تعـــــــــــــــــال

وقت يشرق صبح شمسك تعال
تعال حدث شروق شمسي ..
وبلل بى نداك نداي
وتعال اسكن لهف روح المسام جواي
وتعال اقعد قصاد لون الخريف بى جاي
وتعال لملم شموع الكون
وأضوي مع الشموس ممشاي
تعال اسكن مسارب الروح
واكتب في الحنايا غناي
وشيد للفرح بيتين ...
ولملم روحي من تالاي
ورسل للبحر همي ...
وارمي معاهو حتى اساي
تعال ... لون نهارك فيني
تعال ... ارسم لي ليالى هناي
تعال ... فرِح سنين عمري
وجدد ليا حلم صباي
وارسم في المطر لوحة ..
وفي الغيم اترسم ضواي

اريتو مساك يسعد روحي
ويسعد قلبك الشاشاي

واريتني من البلاد إتلم
ويبقى سماك هو سماي
واريتني من الصباح باكر
ألم عفش الحزن مني
واسافر ليك وانسى شقاي