من وين ابداكم حروف زي كل يوم

من وين أبداكم حروف ذي كل يوم ..

من رصيف الأمنيات؟؟ ذي سطوع كل النجوم ..أو من مساحاتي السعيدة ..من المواني وزحمة الزول المسافر ..ولا من اشراقة الصبح الجديدة ..
وعودة الرحلة البعيدة وباقي أوراق التذاكر ..من وين أبداكم حروف ذي كل يوم ..
منايا اتعرف عليكم من جديد وأملاكم سلام ذي كل عيّد وقبل اسلّم بسأل اللحظة الحميمة ..وين بنقعد؟؟في الحروف جوه القلوب ..في الرحابات القديمة ..أو في العيون؟؟في خاطري إحساس بالأماني المفعمة ..وقلبي مليان بالمشاعر
ودي اعرف
من وين أبداكم حروف ذي كل يوم ..
وفي أي يوم ..؟ودي أعرف حتى أيه سر الحروف وسر العيون ..

ودي أعرف أيه سر التلاقي والشجون ..واليوم عرفت ..وبنتظركم في محطات القدوم ..وفي مواعيد السفر ..معا شبابيك التذاكر ..ورجعت جيت ذي كل يوم ..وما عرفت
من وين أبداكم حروف ذي كل يوم ..