واجيك لا فترت خطاوي الشوق عليك
لاملت الكلمات حروف
بس لبست الارض الوشاح
واتلفع الكلمات جمال والقاك شعاع زي الصباح
واستنى في المطر الرزاز ساعة يشيل
والصوت ينادي على الفلاح
والقاك مالي النور فراش
والقاني جنبك بملى رئتي بالسماح
واتحدى لون المستحيل
جنب ولدك المغزول رحيق
افرد شراعاتي واقيف
واستنى لا شمسك تغيب ولا قمنا لا قلنا الرواح
وانا والحروف ...
نقعد نونس حضرة اللآرنجا ما ملينا يوم ..
اصلو الحروف جنبك تعلمني سر الاندياح
واتعلم الساساق معاك
وامشي واجي
وامشي واجي
والفيني لا ملّ لا استراح
واتحدى نفسي على العليّ
رغم الفٌـقـٌر وقلة الحيلة العلي
واقول خلاص امشي وافوت وارجع اقيف ...
وانا بين خطاوي الدهشة في حرفك اتجمدت حد المستحيل ...
وانا كلى خوف ...
كيفن افوت
ومن وين اجيب اذن السماح
اصلى انسجن عند المداخل
وترايا قصقصت الجناح
وكتب ممنوع الدخول
سجن ... وحرف .... ولا رنجا ... وبراح
ليست هناك تعليقات:
إرسال تعليق