واحشاني شوارعك يا بلدي
واحشاني شوارعك يا بلدي
وناسك اهلي وجيراني
واحــِشني قُعاد الراكوبة
وشاي مخصوص معمول علشاني
وصاحبات مش قادره ألاقيهم
ولا عارفة الاقيهم تاني
بتصدقوا حتى الزحمة هناك واحشاني
****
أنا بشرب من موية نيلك
و أنا لوني الداكن من طينك
أنا ماكلة من تمرو نخيلك
وأنا تمسح دمعي مناديلك
ينظموا من شعري مواويلك
أنا عايزه أجيكي ـ وأحكيلك
أنا عايشه وتايه من غيرك
وسؤالي جوابُو في تفسيرك
لساكي صحيح مش ناسياني ؟
عارفاني ودايما طارياني
ملهوفة عليا وراجياني
ولا أنت خلاص مش عايزاني ؟
محفور إسمك في لساني
****
حاتكلم بلدي وما بسكُت
غير لما أَنتو تقولوا خَلاص
عايزه ارسِم صورتك يا بلدي
عايزه اكتِب عَنك يا بلدي
محتاجه اقلام ومليون كراس
بلدي هَواها في مَجرى الدم
بلدي أقولَها بِمِلو الفَم
مهما قلت.....قايليين حيكفيني الوقت؟
دي أنا لو يوم في الغُربه وَصفت
محتاجة سَنه سنتين وتَلاتة
محتاجة دَهر محتاجة أَزرَع ميتين فَدان للصَبر
ومعاهم أَلف دَواية حِبر أحسِبوا !!!!!!!!!!!!
لَو عايزين تحسِبوا أحسبوا
ولما تلاقوا الناتِج أكتِبوا وإوعَوا تغِشوا
أصلي انا حافظة الحِسبَه دي صم
عارفين ايه باقيلنا؟باقيلنا.....
الأرض الفاضية الشالتنا ايام وأيام
والحيطة المايلة اللى كتبنا عليها الأحلام
فاضل لينا كبارى النيل والحلم المرسوم في الرحلة
فاضل لينا الأشواق وأهلنا وأسماءنا هناك في ورق الدولة
لو لسه الأوراق مكتوبة والحبر أكيد ظاهر وتقيل
بتكون موجودة وين الأصحاب؟
ان كنتوا سألتوا عن الأصحاب
ونسيتوا الزمن اللى مسحنا وكتبنا غياب
طلعت فى بلدنا شهادات لينا
بتقول اننا نحنا اتوفينا مسحونا .. من قايمة الأقراب
مافيش زول بيستنى جواب ولا حتى سلام
الناس مش فاضية ايه يعنى واحد سافر؟
ايه يعنى قريبك مات؟
ايه يعنى زول متعذب بليهب الغربة وحران؟
ما انت .. فى بلدك متعري ومطاطي دماغك ومليان
وانت فى احضانك... بردان
كان لازم ارسم صورة واكتب
وبى نفس الألوان
فاكرين لما كنا زمان بي شعري وكل الألحان
كنا نحنى الكفين بالغنوة
ونمسى على الليل بي اهه شايلة الهم شايلة الزفرة
ونحاسب على الليل ما يخلص
ونحارب فى الحرف السايل
على الورقة وكل الحيطان ونقول....
ياحيطان الأيام ضمينا نسينا ملامح الأغراب
مديلنا شهورك شدينا لى سلام فى إيدين الأحباب
لميلنا من الأرض الواسعة
أصحابنا خليهم يبقولنا اصحاب
وقصايدى نبقى نغنيهاراجعين من بعد غياب
ياحيطان الأيام العالية وطيلنا نعاين من فوقك
وننور شمعات فى الضلمة
تهدينا البسمة وحنيتك وشوقك
ياحيطان الأيام ضمينا
ودسينا وراكي ودفينا
ادينا حنانك واروينا
****
نفسي ألقالي بُساط من ريح
بلدي جَميله كتير من فوق
ابدا مافي انسان مَخنوق
طبعا فوق مافيش حكام
ولا ناس مضغوطة وغَلبانه
لا ناس بتعاني ومرضانه
بِتشوف النيل
ما فيش الأرض العَطشانه
نديانه جميله ورويانه
وان كان بالليل
تلقاها سمانا نجوم مَليانه
بِتشوف بلدي جَميله ورَوعَه
وتشوف الطابية هناك والقَلعَه
ابدا مافيش أحلام ضايعه
ولا حيجيك احساس الناس بايعَه
كُل الناس بِتشوفهُم واحد 
ليست هناك تعليقات:
إرسال تعليق