الأربعاء، 17 مارس 2010

ومعاك أوقاتي لو تمتد



لهفة زول ينادي الوقت

وهمس الليل لما يرد على الأوتار

في لحظات بتبقى أعمار
تعال كلمني طفي الشوق بلا استعجال

وبى أيدك تصحي الشوق

ويبقى العمر ليك تذكار

يمضي ايامو في خطوة

وتبعد لحظة الجفوة

وبينا ... بتترسم أقدار
تقتل في عيوني الصمت

نسايم روح تهل أنوار

ويكون الليل معاك ممتد
ويتغير معاك الحال

مابين الحرف واليد

كلامك يبقى رعشة ليل

وهمسك دوم يذكرني
حلمي الليلة اتجدد

ونظرة ود من الماضي

وانا راجياها لحظة ود

على لحظة لقاك وأنظر
زماني أنا فيك وأتصبر

وأنادي أنا فيك أيامي

نسافر في زمان الصمت

عساها تطوّل أيامي

وتقرِِِِب حرفك الأسعد

عن ليلي وتوارى الوقت

وتلم حزن الوله مني

وتبعد كل جراح الأمس

وتتبدد ثواني الحزن

ونودع كل لحظة نحس
فيها الخوف يظللنا

وكل الود نتلاقى
بفرحة عمر ودفء الشمس

ومعاك أوقاتي لو تمتد




ليست هناك تعليقات:

إرسال تعليق